|
Viaxe de estudos 1º BAC: Madrid 2010 |
| Imprimir |
|
 |
Os pasados 22, 23 e 24 de marzo, o alumnado de 1º de BAC realizou a súa viaxe de estudos a Madrid, como actividade complementaria ó currículo e adianto de contidos de cara ó vindeiro curso. Ó longo dos tres días que durou a estancia na capital, os mozos e mozas puideron ver lugares e exposicións relacionadas coas áreas de Historia, Bioloxía, Física e Química e Artes. |
O luns 22 visitaron o Centro de Arte Reina Sofía, os laboratorios Pharma Mar do grupo Zeltia (onde lles explicaron o proceso de busca de medicamentos para combater o cancro a partir da biodiversidade mariña) e, xa á noite, acudiron ó Teatro Real para ver a ópera L’Árbore di Diana de Vicente Soler.
O martes 22 visitaron o Congreso dos Deputados, onde lles explicaron o funcionamento do mesmo e as instalación máis importantes, coma o Salón do Reloxio, o Salón de Pasos Perdidos e o propio hemiciclo. Tamén coñeceron a exposición de Cosmocaixa en Alcobendas, onde participaron nun taller de cargas eléctricas e desfrutaron da exposición permanente e dunha temporal sobre os dinosauros. O día completouse co musical Chicago.
O mércores 24, antes de partir de volta, visitaron o Xardín Botánico, onde contemplaron a exposición “De la selva a la taiga”, un percorrido pola diversidade floral da Terra dende o Polo até o Ecuador.
Sen dúbida, resultou unha viaxe moi instructiva e amena que os alumnos están desexando repetir. |
 |
 |
 |
 |
|
